Թրամփը փոշմանել է՝ վաղը չի հարձակվի Իրանի վրա

ԱՄՆ նախագահ Դոնալդ Թրամփը հայտարարել է, որ Իրանի վրա հարձակումը վաղը չի իրականացվի։

Նա նշել է, որ իրեն խնդրել են Կատարի էմիրը Թամիմ բին Համադ Ալ Թանին, Սաուդյան Արաբիայի թագաժառանգ Մուհամեդ բին Սալման Ալ Սաուդը և Արաբական Միացյալ Էմիրությունների նախագահ Մուհամեդ բին Զայեդ Ալ Նահայանը՝ հետաձգել նախատեսված ռազմական հարվածը Իրանի Իսլամական Հանրապետության նկատմամբ, քանի որ ընթանում են լուրջ բանակցություններ, և, ըստ նրանց, կարող է ձեռք բերվել համաձայնություն, որը ընդունելի կլինի ԱՄՆ-ի և տարածաշրջանի երկրների համար։

Ըստ Թրամփի, այդ համաձայնության կարևոր պայմաններից մեկը պետք է լինի՝ «Իրանին միջուկային զենքի բացակայությունը»։

Նա նաև ասել է, որ հարգելով վերոնշյալ առաջնորդներին՝ հանձնարարել է ԱՄՆ պաշտպանության նախարարին, Զինված ուժերի շտաբների միացյալ կոմիտեի նախագահին և ԱՄՆ բանակին՝ չիրականացնել նախատեսված հարվածը, սակայն միաժամանակ պատրաստ լինել լայնամասշտաբ գործողությունների ցանկացած պահի, եթե անհրաժեշտություն առաջանա։