ՏԵՍԱՆՅՈՒԹ․ Ողբերգական վթար՝ Երևանում․ վարորդը տեղում մահացել է

Խոշոր ու ողբերգական ավտովթար է տեղի ունեցել Երևանում։ Auroranews.am-ը ռադիոլսողներից տեսանյութ է ստացել, որտեղ երևում է, որ  «Կամազ» մակնիշի բեռնատարը Դավիթ Բեկի փողոցում դեռևս անհայտ հանգամանքներում դուրս է եկել երթևեկելի գոտուց և մխրճվել բնակչի տան մեջ։

Shamshyan.com-ից տեղեկանում ենք, որ վթարի հետևանքով վարորդը, ով արգելափակվել է ավտոմեքենայում, տեղում մահացել է։ Նրա մարմինը դուրս բերելու համար դեպքի վայր են ժամանել ՆԳՆ Փրկարար ծառայության հատուկ նշանակության փրկարարական աշխատանքների իրականացման կենտրոնի փրկարարական ջոկատից 1 մարտական հաշվարկ։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են ավտոմեքենայի և վնասված տան սեփականատերերի, ինչպես նաև մահացած վարորդի ինքնությունը։