Զելենսկիի նախկին մամուլի քարտուղարը շոկային բացահայտնում է արել Դոնբասի հետ կապված

Ուկրաինան 2022 թվականին Ստամբուլում Ռուսաստանի հետ բանակցությունների ժամանակ համաձայնել է «հանձնել Դոնբասը», պնդում է Վլադիմիր Զելենսկու նախկին մամուլի քարտուղար Յուլիա Մենդելը։

«Ես խոսել եմ այն մարդկանց հետ, ովքեր ներկայացնում էին Ուկրաինան 2022 թվականին Ստամբուլում կայացած բանակցություններում... Եվ ինձ մանրամասն բացատրեցին, որ նրանք համաձայնել են ամեն ինչի։ Ավելին, ինչը շատ կարևոր է, նրանք ասացին, որ Զելենսկին անձամբ է համաձայնել հանձնել Դոնբասը», – ասել է Մենդելը ամերիկացի լրագրող Թաքեր Կարլսոնին տված հարցազրույցում։

Նա չի բացահայտել, թե կոնկրետ ումից է ստացել այդ տեղեկությունը։

Նրա խոսքով՝ Զելենսկին համաձայնել է «տարածք հանձնել», քանի որ դա կնշանակեր պատերազմի ավարտ։

«Իսկ հիմա նա կանգնած է բազմամիլիոնանոց լսարանի առջև և ասում է. «Ես չեմ կարող հանձնել Դոնբասը»։ Տեսնում եք, նա հետևողական չէ։ Նա անընդհատ փոխում է դիրքորոշումները», – արձանագրել է Մենդելը։