Սպառնալիքներ կստեղծվեն ՌԴ անվտանգության համար․ Գալուզին

Ռուսաստանի Դաշնության արտաքին գործերի նախարարի տեղակալ Միխայիլ Գալուզինը հայտարարել է, որ Արևմուտքը շարունակական ակտիվ միջոցներ է ձեռնարկում Կենտրոնական Ասիան սեփական շահերին ծառայեցնելու համար։ 

Դիվանագետի ձևակերպմամբ՝ այս քաղաքականության առանցքային նպատակներից է տարածաշրջանի վերածումը մի վայրի, որտեղից սպառնալիքներ կստեղծվեն Ռուսաստանի անվտանգության համար։

Գալուզինը շեշտել է, որ արևմտյան պետությունները նպատակ ունեն վերահսկել տարածաշրջանի տրանսպորտային ուղիներն ու բնական պաշարները։ Ըստ նրա՝ նման քայլերն ուղղված են Կենտրոնական Ասիայի երկրների տնտեսական ու քաղաքական համակարգերի փոփոխմանը, որպեսզի դրանք համապատասխանեն Արևմուտքի առաջնահերթություններին։

Ռուսաստանի արտաքին գործերի նախարարության ներկայացուցիչը հավելել է, որ միջազգային այդ ուժերը տարածաշրջանը դիտարկում են որպես ռազմավարական հարթակ՝ Ռուսաստանի Դաշնության անվտանգային միջավայրի վրա ազդեցություն ունենալու համար։ Այս իրավիճակում ռուսական կողմը մեծապես կարևորում է արտաքին միջամտությունների կանխումն ու տարածաշրջանային կայունության ապահովումը, որոնք կարող են վնասել ձևավորված աշխարհաքաղաքական հավասարակշռությանը։