ԱԳ փոխնախարարը՝ հայ-ռուսական հարաբերությունների և առկա հարցերի մասին

ԱԳ փոխնախարար Մնացական Սաֆարյանը «Հաղթանակ» զբոսայգում լրագրողների հետ զրույցում անդրադարձել է հայ-ռուսական հարաբերություններին՝ նշելով, որ քննարկվող խնդիրները ճգնաժամ չէր անվանի։

Հայաստանի և Ռուսաստանի հարաբերություններն ունեն երկարամյա պատմություն, և ներկայում առկա են որոշակի հարցեր, որոնք քննարկվում են ռուս գործընկերների հետ։ Ըստ Մնացական Սաֆարյանի՝ աշխարհում տեղի ունեցող զարգացումների պարագայում բնական է միմյանց նկատմամբ հարցերի առաջացումը, որոնք փորձում են հասցեագրել երկխոսության միջոցով։

Անդրադառնալով ռուսական լրատվամիջոցների այն տեղեկություններին, թե Հայաստանի դեսպանը կանչվել է ՌԴ ԱԳՆ և նրա հետ կոշտ զրույց է տեղի ունեցել Զելենսկիին հարթակ տրամադրելու թեմայով՝ փոխնախարարը պարզաբանել է, որ դա նրանց մեկնաբանությունն է։ Նա հաստատել է, որ դեսպանը կանչվել է և նրան հայտագիր է փոխանցվել, ինչը կապված էր Հայաստանում կայացած գագաթաժողովի հետ։ Սաֆարյանը հավելել է, որ անհրաժեշտության դեպքում կպատասխանեն հայտագրին, սակայն այս պահին դրա բովանդակությունը չի մեկնաբանում։