ՏԵՍԱՆՅՈՒԹ. Նիկոլ Փաշինյանը հարցազրույց է վերցրել Արարատ Միրզոյանից

Քարոզարշավի շրջանակներում Սյունիքի մարզ ուղևորվելիս վարչապետ Նիկոլ Փաշինյանը ավտոբուսում  ուղիղ եթերում հարցազրույց է վերցրել ՀՀ ԱԳ նախարար նախարար Արարատ Միրզոյանից։


«Բոլորիս ուզում եմ մաղթել պոզիտիվ քարոզարշավ, բովանդակային քննարկումներ քաղաքական ուժերի միջև։
Վստահ եմ՝ որքան էլ այս մաղթանքն ասենք, որոշ քաղաքական անցուդարձի դերակատարներ այնուամենայնիվ չեն կարողանա կամ չեն ուզենա անհրաժեշտ մակարդակը պահել և անընդհատ կփորձեն ներքաշել ոչ այնքան քաղաքական քննարկումների մեջ, բայց ես ապավինում եմ մեր ժողովրդի հավաքական իմաստությանը»,- ասել է Միրզոյանը։


Նա և Փաշինյանը զրուցել են անցնող 8 տարիների ՀՀ արտաքին քաղաքականությունից, իրենց հանդեպ հնչած մեղադրանքներից, «Իրական Հայաստան» եզրույթից:


«Մենք այն երջանիկներից մեկն ենք, որ ունենք պետականություն, բայց դա մեզ քիչ է, ուզում ենք պատմական Հայաստանը»,- ասել է Միրզոյանը` շեշտելով, որ ժամանակն է երջանիկ ապրել «Իրական Հայաստան»-ում:  

Հիշեցնենք` այսօրվանից մեկնարկել է խորհրդարանական ընտրությունների քարոզարշավը: Այն կտևի մինչև հունիսի 5-ը: