ՏԵՍԱՆՅՈՒԹ. Միլիոններ չենք ծախսել, որ երկիրը ծիծաղելի վիճակում հայտնվի. Փաշինյան

«Երբ քաղաքային իշխանությունները, ինչ-ինչ պատճառներով, որոշում են մեկուսացված աշխատեն և Կառավարության հետ նորմալ չեն համագործակցում, դրա հետևանքները երևում են»,- կառավարության նիստի ժամանակ ասաց վարչապետ Նիկոլ Փաշինյանը` օրինակ բերելով Գյումրու Անի թաղամասը:


«Ուղղակի փոսերի միջով ես երթևեկում, բայց Գյումրի ցուցանակից երեք սանտիմետր էն կողմ սկսվում է գերազանց որակի ճանապարհ։ Այսինքն՝ Գյումրիից դուրս եկար՝ գերազանց որակի ճանապարհ է»,- ասաց Փաշինյանը։


«Եվ իմիջիայլոց, ես այսօր տեսանյութ էլ տեսա, շատ լավ տեսանյութ էր։ Ուրախությամբ արձանագրում եմ, որ Գյումրիի շատրվանները շատ գեղեցիկ են ստացվել։ Եվ արդեն Ֆրանսիայի նախագահի այցի առիթով աշխատել էր։ Բայց այնտեղ երաժշտական մենյուին առանձնահատուկ ուշադրության անհրաժեշտություն կա։ Պետք է շատ ուշադիր լինենք, որ ծիծաղելի վիճակների մեջ չհայտնվենք։ Այդ տասնյակ միլիոնները դրա համար չենք ծախսել, որ վերջում երկիրը ծիծաղելի վիճակում հայտնվի»,- ասաց Փաշինյանը։

Ավելին` տեսանյութում: