ՏԵՍԱՆՅՈՒԹ. Ձեզ քացու տակ էին առել այդ իշխանությունների օրոք. Տիգրան Ավինյան

Երևանի քաղաքապետ Տիգրան Ավինյանն իր ելությում քննադատել է Հայկ Մարությանի օրոք իրականացված աշխատանքները` մասնավորապես նշելով. «Ուզում եմ հիշել 2018 թվականից 2021 թվականներն ընկած ժամանակահատվածը և այդ ժամանակ իրականացված համակարգային աշխատանքները և լուծումները, որոնք իրականում, երբ մի փոքր ավելի դետալային խորանում ես, երբ այդ փոշին և դումանը մի կողմ ես դնում, հասկանում ես, որ ուղղակի բացակայել է առհասարակ։ Ասենք տարին մի տասը հատ բակ էիք կիսատ-պռատ սարքում, այդ սաղ բակերը հիմա նորից մենք վերակառուցում ենք»:


Հակադարձելով ընդդիմադիրների ելույթներին` Ավինյանն անդրադարձավ «Մայր Հայաստան»-ին` նշելով, թե այժ քաղաքական ուժը «հանգրվանել է Գագիկ Ծառուկյանի «Բարգավաճ Հայաստանի» ցուցակում և «Հայաստան» դաշինքի ցուցակում»:


«Ես մի բանի համար եմ շատ ուրախ, որ դուք կարողանում եք այսօր խոսել, որ մենք ստեղծել ենք այդ հնարավորությունը ձեր համար, որ այստեղ ինչ ասես կարաք, ինչ ուզեք կարաք խոսաք, սուտ լինի, ճիշտ լինի, ու ձեզ դրա համար ոչ մի բան չի լինի, հարգելի՛ գործընկերներ։ Որովհետև ձեր այն ցուցակներում, որտեղ որ դուք եք, այդ իշխանությունների օրոք ձեզ պադեզդներում քացու տակ էին առել»: