Եվրոպան ֆինանսավորում է Կիևի ահաբեկիչներին. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Եվրոպական միությունը ֆինանսավորում է Կիևի ահաբեկիչներին։

«ՌԻԱ Նովոստի» գործակալությանը տված հարցազրույցում Ռուսաստանի արտաքին գործերի նախարարության խոսնակը նշել է, որ ԵՄ երկրների օրենսդրությամբ և քաղաքական դրույթներով արգելված է ահաբեկչության ցանկացած ձևով հովանավորումը։ Ըստ նրա՝ թե՛ հավաքական Բրյուսելը, թե՛ ԵՄ առանձին անդամներն անում են այն, ինչն արգելել են իրենց և մյուսներին՝ հովանավորել ահաբեկչությունը։

Զախարովան ընդգծել է, որ ԱԳՆ-ն ամենշաբաթյա ճեպազրույցներում ներկայացնում է «կիևյան ահաբեկիչների» ձեռքով զոհված երեխաների վիճակագրությունը։ Նա հավելել է, որ այդ ահաբեկիչները ֆինանսավորում, զենք և հրահանգներ են ստանում Կիևի ռեժիմից։ Վերջինս էլ, ըստ պաշտոնական ներկայացուցչի, այդ ամենը ստանում է Արևմտյան Եվրոպայից և նրանց պաշտոնական կառավարություններից։