Վենսը` ամերիկացի նպաստառուների վերաբերյալ նոր որոշում է կայացրել

ԱՄՆ փոխնախագահ Ջեյ Դի Վենսի պնդմամբ՝ շուրջ 186 հազար ամերիկացիներ, համարվելով մահացած դեռ շարունակում են սննդի կտրոններ ստանալ։

Այովայում անցկացված հանրահավաքի ընթացքում Վենսը հայտարարել է. «SNAP-ով (Լրացուցիչ սննդի օգնության ծրագիր) նպաստներ ստացող քաղաքացիների թվում մոտ 186,000-ը մահացած են»։ 

Փոխնախագահը նաև հավելել է, որ ևս 355 հազար ամերիկացիներ նպաստներ են ստանում կրկնակի չափով։

Անդրադառնալով հնարավոր արձագանքներին՝ նա նշել է. «Ֆեյքերը կասեն... Ջեյ Դի Վենսն առաջարկում է մարդկանց զրկել սննդի կտրոններից։ Հենց դա նրանք կասեն։ Իրականում ես կարծում եմ, որ մենք պետք է խլենք սննդի կտրոնները մահացած մարդկանցից»։

Վենսը հավելեց, որ SNAP-ի ստացողների թվում են նաև շքեղ Lamborghini-ների սեփականատերերը։ 

«Կարծում եմ՝ ամերիկյան բնակչության 95%-ը կհամաձայնի, որ եթե դուք բավականաչափ հարուստ եք Lamborghini գնելու համար, ապա բավականաչափ հարուստ եք նաև ամերիկացի քաղաքացիներից SNAP-ի նպաստներ չստանալու համար», - ասել է նա։

Հավելենք` Ամերիկայի առաջնորդ Դոնալդ Թրամփը հայտարարել է, որ Վենսը պատասխանատու կլինի Միացյալ Նահանգներում խարդախության դեմ պայքարի համար։