«Միջին միջանցքի» զարգացմամբ և «Զանգեզուրի միջանցքի» բացմամբ կլինի ավելի մեծ անվտանգություն. Թուրքիայի փոխնախագահ

Թուրքիայի փոխնախագահ Ջևդեթ Յըլմազը Ստամբուլում կայացած «SAHA EXPO» միջազգային ցուցահանդես-տոնավաճառի ժամանակ լրագրողների հետ հարցուպատասխանի ընթացքում անդրադարձել է նաև Ադրբեջանի ու Հայաստանի հարաբերություններին։


«Մենք ցանկանում ենք, որ Հարավային Կովկասում խաղաղություն լինի։ Հայաստանն ու Ադրբեջանն այս առումով շատ կարևոր առաջընթաց են գրանցել։ Մենք ասում ենք՝ «արդեն շատ քիչ է մնացել խաղաղությանը»։ Այս խաղաղության հաստատմամբ Հարավային Կովկասը՝ որպես ռազմավարական շատ բարձր նշանակություն ունեցող տարածաշրջան, տարբերվող դերակատարում կունենա թե՛ տարածաշրջանային, թե՛ համաշխարհային մակարդակներում։


Հատկապես «Միջին միջանցքի» զարգացմամբ և «Զանգեզուրի միջանցքի» բացմամբ՝ այդ ամենի հետ մեկտեղ կլինի և՛ ավելի մեծ անվտանգություն, և՛ ավելի մեծ բարօրություն»,- ասել է Յըլմազը: