Քաղաքականություն

Հռոմի Պապն արձագանքել է Դոնալդ Թրամփի քննադատությանը

Հռոմի Պապն արձագանքել է Դոնալդ Թրամփի քննադատությանը
Հռոմի Պապ Լևոն XIV-ը պատասխանել է ԱՄՆ նախագահ Դոնալդ Թրամփի հայտարարություններին։ Նախքան այս, Միացյալ Նահանգների առաջնորդը խիստ քննադատության էր ենթարկել քահանայապետին՝ նշելով, որ իրեն պետք չէ մի…

Հռոմի Պապ Լևոն XIV-ը պատասխանել է ԱՄՆ նախագահ Դոնալդ Թրամփի հայտարարություններին։ Նախքան այս, Միացյալ Նահանգների առաջնորդը խիստ քննադատության էր ենթարկել քահանայապետին՝ նշելով, որ իրեն պետք չէ մի առաջնորդ, ով դեմ է իր վարած քաղաքականությանը։ Թրամփը նաև հավելել էր, որ եթե ինքը չլիներ Սպիտակ տանը, Լևոն պապը չէր լինի Վատիկանում։ 


Իտալիայի վարչապետ Ջորջա Մելոնին անընդունելի է որակել նման հայտարարությունները, ինչին ի պատասխան Թրամփը շեշտել է, որ ԱՄՆ-ն չի օգնի Իտալիային, քանի որ Հռոմն իբր չի աջակցել Վաշինգտոնին Իրանի դեմ գործողություններում։


«Կաթոլիկ եկեղեցու առաքելությունն է՝ ավետել Ավետարանը, քարոզել խաղաղություն... Եթե որևէ մեկը ցանկանում է քննադատել ինձ Ավետարանն ավետելու համար, թող դա անի ճշմարտացիորեն... Ես պարզապես հույս ունեմ, որ ինձ կլսեն», - քահանայապետի խոսքերն է մեջբերում Վատիկան Նյուզ (Vatican News) պորտալը։


Հռոմի Պապը նախկինում ևս բազմիցս քննադատել է Միացյալ Նահանգների քայլերն Իրանում՝ անընդունելի համարելով իրանցի ժողովրդին ուղղված սպառնալիքները։ Ապրիլի սկզբին, երբ ԱՄՆ պատերազմի նախարար Փիթ Հեգսեթը կոչ էր արել աղոթել զինծառայողների համար, Լևոն XIV-ը քարոզի ընթացքում ընդգծել է, որ գերիշխելու ձգտումը հակասում է Հիսուս Քրիստոսի ուղուն։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250