Եվրամիության կոչը` տնտեսվարողներին

ԵՄ-ն ամենաբարձր մակարդակով կոչ է անում և հրավիրում բիզնես կառույցներին ներդրումներ կատարել Հայաստանում:

Այսօր ԵՄ-ն հայտարարություն է ընդունել, որով կոչ է անում բիզնես կառույցներին ներդրումներ կատարել Հայաստանի տնտեսության մեջ։ Այս մասին հայտարարել է վարչապետ Նիկոլ Փաշինյանը՝ Եվրոպական խորհրդի նախագահ Անտոնիո Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ համատեղ հայտարարությունների շրջանակում։

«Որպես կանոն, նախորդ ողջ ժամանակահատվածում՝ անկախացումից ի վեր, Հայաստանը համարվել է ռիսկային ներդրումների գոտի։ Այժմ ԵՄ-ն ամենաբարձր մակարդակով կոչ է անում և հրավիրում բիզնես կառույցներին, ներդրողներին ներդրումներ կատարել Հայաստանում։ Սա նաև պատմական նշանակության փաստ է, որովհետև մենք նախկինում երբեք նման կոչ, նման ուղերձ չենք արել և նման բան չենք լսել մեր միջազգային շատ գործընկերներից», — ասել է նա։