Արաղչին Թրամփի «Ազատություն նախագիծը» որակել է որպես «Փակուղի»

Իրանի արտաքին գործերի նախարար Աբաս Արաղչին ԱՄՆ նախագահ Դոնալդ Թրամփի՝ Հորմուզի նեղուցի վերաբերյալ «Ազատություն» նախագիծն անվանել է «Փակուղի» նախագիծ։

Հորմուզի նեղուցում ընթացող զարգացումները, ըստ Արաղչիի, ակնհայտ են դարձնում, որ առկա քաղաքական ճգնաժամը ռազմական կարգավորման տարբերակ չունի։ Նա նշել է, որ Պակիստանի գործադրած անկեղծ ջանքերի շնորհիվ բանակցային գործընթացը առաջընթաց է գրանցում, ուստի Միացյալ Նահանգները պետք է զգոն լինի, որպեսզի չարակամները իրենց նորից չներքաշեն ճահիճի մեջ։


Արտգործնախարարի խոսքով՝ նույն զգուշավորությունը վերաբերում է նաև Արաբական Միացյալ Էմիրություններին։ Արաղչին հավելել է, որ Հորմուզի նեղուցը բացելուն ուղղված ԱՄՆ-ի «Ազատություն» նախագիծն իրականում «Փակուղի» նախագիծ է։