Մեկնարկում է «Ազատություն» նախագիծը. Թրամփ

ԱՄՆ-ն նախագահ Դոնալդ Թրամփի որոշմամբ կմեկնարկի «Ազատություն» նախագիծը՝ Պարսից ծոցում արգելափակված նավերը Հորմուզի նեղուցով դուրս բերելու համար։

Թրամփի պարզաբանմամբ՝ որոշումն ընդունվել է հումանիտար նկատառումներով և երրորդ երկրների դիմումների հիման վրա, քանի որ նավերում սպառվում են սննդամթերքի ու առողջության պահպանման համար անհրաժեշտ պաշարները։ «Նավերի տեղաշարժն ուղղված է բացառապես մարդկանց, ընկերություններին և երկրներին ազատելուն, որոնք բացարձակապես ոչ մի դատապարտելի արարք չեն գործել», — «Թրութ Սոշըլ» սոցիալական ցանցում գրել է Թրամփը։

Նախագահը նաև զգուշացրել է, որ գործողությանը հակազդելու պարագայում ԱՄՆ-ն հարցերը կլուծի ուժային ճանապարհով։ Ըստ նրա՝ դուրս բերված նավերը չեն վերադառնա ծոց, քանի դեռ այնտեղ նավագնացությունն անվտանգ չէ։ ԱՄՆ Զինված ուժերի Կենտրոնական հրամանատարությունը տեղեկացրել է, որ մայիսի 4-ին սկսվող գործողությանը կներգրավվեն 15 հազար զինվոր, ինքնաթիռներ և կառավարվող հրթիռներով զինված էսմինեցներ։