ԵՔՀ գագաթնաժողովը Հայաստանում պատմական է. Կոշտա

Եվրոպական խորհրդի նախագահ Անտոնիու Կոշտան ԵՔՀ 8-րդ գագաթնաժողովին իր ելույթում պատմական է որակել միջոցառման անցկացումը Հայաստանում։


Եվրոպական խորհրդի նախագահ Անտոնիու Կոշտան հայտարարել է, որ Եվրոպական քաղաքական համայնքի (ԵՔՀ) այս գագաթնաժողովն իրապես պատմական նշանակություն ունի։ Ըստ նրա՝ առաջին դեպքն է, երբ կառույցը հանդիպում է Հարավային Կովկասում, ինչը Հայաստանը տեղավորում է Եվրոպայի կենտրոնում:


Կոշտան ընդգծել է, որ այսօրվա հանդիպումը հնարավոր է դարձել Հայաստանի և Ադրբեջանի միջև ձեռք բերված համաձայնության արդյունքում։ Նրա խոսքով՝ սա խաղաղության պատմություն է Եվրոպայի համար, որը հատկապես կարևոր է պատերազմներով լի ներկայիս աշխարհում:


Եվրոպական խորհրդի նախագահը հավաստիացրել է, որ Եվրամիությունը պատրաստ է լինել վստահելի գործընկեր՝ խաղաղության, հնարավորությունների և բարգավաճման գործընթացների անդառնալիությունն ապահովելու համար։

Նա շեշտել է Հայաստանի ժողովրդավարության ամրապնդման, ինչպես նաև ապատեղեկատվության և արտաքին ազդեցությունների դեմ պայքարի կարևորությունը՝ հավելելով, որ երկրի ժողովրդավարական ապագան բացառապես Հայաստանի քաղաքացիների ձեռքում է։