Մի պահ պատկերացրեք` վարչապետ է կալուգացի օլիգարխը. Արայիկ Հարությունյան

«Հայաստանի վարած քաղաքականությունների ապացույցը աշխարհի խոշորագույն քաղաքական, մշակութային, մարզական և այլ ոլորտի միջոցառումների անցկացումն է Հայաստանում»,- ֆեյսբուքյան իր էջում գրել է վարչապետի աշխատակազմի ղելավար Արայիկ Հարությունյանը: 

«Մի պահ պատկերացրեք, որ վարչապետ է կալուգացի օլիգարխը (անհնար է պատկերացնել), արյունարբու օլիգարխը (մի էլ պատկերացրեք), բելառուսամետ օլիգարխը (լորդուհիների գագաթնաժողով) ու էլ մի պատկերացրեք: Առավելագույնը կանցկացվեին Նիժնի տապըռի մշակութային օրերը Երևանում»,- գրել է Հարությունյանը` թվարկելով ՀՀ-ում անցկացվող միջոցառումներից մի քանիսը.


«2026 թվականի մայիս՝ Եվրոպական քաղաքական համայնքի գագաթնաժողով Երևանում (մասնակցում է մոտ հինգ տասնյակ երկրի և միջազգային կազմակերպության ղեկավար):

ՄԱԿ-ի կենսաբազմազանության COP17 գագաթնաժողովը՝ մինչև հարյուր երկրի պատվիրակություն:

ՖԻՖԱ-ի երիտասարդների 2029 թվականի աշխարհի առաջնությունը՝ շուրջ 30 խաղ Հայաստանում:

Ծանրամարտի աշխարհի առաջնություն՝ 2027 թվականին (մոտ 100 երկիր)

Ֆրանկաֆոնիայի 2027 մարզամշակութային խաղեր (մոտ 50 երկիր)

2027 թվականի մարմնամարզության Եվրոպայի առաջնություն: 

Անվերջ շարունակելի...»: