Արդյո՞ք մեղադրանք առաջադրվել է մահացած 1–ամյա երեխայի կենսաբանական մորը

Երևանում 1 տարեկան 2 ամսական Ալեքսի մահվան դեպքով հարուցված միացյալ քրեական վարույթի շրջանակներում այս պահին կալանքի տակ է գտնվում միայն փոքրիկի նկատմամբ բռնություն կիրառելու և սպանության մեջ մեղադրվող կինը։

Ավելի քան մեկ ամիս առաջ տեղի ունեցած ողբերգական դեպքի առթիվ նախաձեռնված երկու քրեական վարույթները, որոնք վերաբերում էին սպանությանը, ինչպես նաև երեխայի խնամքի կամ դաստիարակության պարտականությունները չկատարելուն կամ ոչ պատշաճ կատարելուն, միավորվել են մեկ ընդհանուր վարույթում։ Քննչական կոմիտեից NEWS.am-ին հայտնել են, որ ներկա պահին կալանավորված է բացառապես այն կինը, ում մեղադրանք է առաջադրվել 1-ամյա երեխայի սպանության համար։

Գործը դեռևս նախաքննության փուլում է: