Եվրոպական ակումբները հետաքրքրված են Նաիր Թիկնիզյանով

«Ցրվենա Զվեզդայում» հանդես եկող Նաիր Թիկնիզյանի շահերը ներկայացնող Ալեքսանդր Կլյուևը հայտնել է, որ մարզիկը Սերբիայում հիանալի մրցաշրջան է անցկացնում։ 

Ըստ գործակալի՝ բացի արդեն նվաճած չեմպիոնությունից, Թիկնիզյանը համարվում է թիմի առանցքային խաղացողներից մեկը։ Այս պահին ակումբը պայքարում է երկրի Գավաթի խաղարկության եզրափակիչ հասնելու համար, ինչը ֆուտբոլիստին ևս մեկ տիտղոսի հավակնելու հնարավորություն է տալիս։ Կլյուևն առանձնացրել է նաև պաշտպանի հաջող ելույթները եվրոպական մրցաշարերում։

Գործակալի խոսքով՝ մարզիչ Դեյան Ստանկովիչը գոհ է հայ ֆուտբոլիստից և նկատում է նրա մշտական առաջադիմությունը։ «Чемпионат»-ի թղթակից Վլադիմիր Չետվերիկի հարցին, թե արդյոք տպավորիչ խաղի ֆոնին հնարավոր է ուշադրության սևեռում ավելի բարձրակարգ առաջնությունների կողմից, Կլյուևը պատասխանել է, որ հետաքրքրությունը ոչ թե հավանական է, այլ արդեն իսկ առկա է։