ՌԴ ԱԽ-ն զգուշացնում է Հայաստանին․ ՀԿ-ներն աշխատում են Մոսկվային վարկաբեկելով

Ռուսաստանի Անվտանգության խորհրդի քարտուղարի տեղակալ Ալեքսեյ Շևցովը Մոսկվայում կայացած ՀԱՊԿ տեղեկատվական-վերլուծական գործընկերությանը նվիրված համաժողովի ժամանակ խոսել է Հայաստանում և Մոլդովայում գործող հասարակական կազմակերպությունների մասին։ Պաշտոնյայի խոսքով՝ այդ կառույցները նպատակաուղղված կերպով վարկաբեկում են Մոսկվայի հետ երկկողմ կապերը, գրում է «Ռիա Նովոստի»-ն։

Շևցովը նշել է, որ ներկայումս Հայաստանում գրանցված է մոտ 9 հազար, իսկ Մոլդովայում՝ 14 հազար հասարակական կազմակերպություն։ ՌԴ ԱԽ բարձրաստիճան ներկայացուցիչը պնդել է, որ դրանց մեծ մասը ներգրավված է Ռուսաստանի հետ հարաբերությունների վատթարացմանն ուղղված գործընթացներում։

Բացի երկկողմ հարաբերություններից, ռուս պաշտոնյան ընդգծել է, որ այդ ՀԿ-ների թիրախում են հայտնվել նաև հետխորհրդային տարածքի ինտեգրացիոն գործընթացները։ Ըստ նրա՝ իրականացվող գործունեությունը միտված է նաև մերձավոր արտերկրում իրականացվող տարբեր ծրագրերի հեղինակազրկմանը։