Ինչ է լինելու Սամվել Կարապետյանի առաջնորդությունից 47 օր հետո. Նարեկ Կարապետյան

Սամվել Կարապետյանը կստեղծի նոր աշխատատեղեր, մինչդեռ Փաշինյանը Հայաստանն ուզում է բնակեցնել 300,000 ադրբեջանցիներով։  Չարենցավանում   «Ուժեղ Հայաստան» կուսակցության խորհրդի անդամ Նարեկ Կարապետյանը խոսել է Հայաստանի արդյունաբերականացման ծրագրերի մասին։

«Երբ ասում ենք Հայաստանում արդյունաբերականացում, գործարանների վերադարձ, մարդիկ կասկածանքով են վերաբերվում։ Ես մի օրինակ, բերեմ, թե ինչ է լինելու Սամվել Կարապետյանի կողմից առաջնորդությունը ստանձնելուց 47 օր հետո»,- Չարենցավանում հայտարարել է «Ուժեղ Հայաստան» կուսակցության խորհրդի անդամ Նարեկ Կարապետյանը։

Նա մանրամասնել է՝ Հայաստանը տարեկան ներմուծում է 60 մլն դոլարի 15 հազար տոննա ցինակապատ ապրանք, մետաղ, մինչդեռ տարեկան 20 մլն-ի հում ցինկ է արտահանում։

«Ցինկը արտահանում ենք, վերամշակում են, հետ են բերում, 2-3 անգամ թանկ մեզ են վաճառում։ Ի՞նչն է մեզ խանգարում, որ այստեղ վերամշակում իրականացվի։ Առաջնորդը»,-նշել է Կարապետյանը՝ ավելացնելով, երբ ասում են, որ Հայաստանում ստեղծելու են 300 հազար նոր աշխատատեղ, հենց նման ծրագրերի շնորհիվ է լինելու։