Լեհ սթրիմերը ռեկորդային գումար է հավաքել հիվանդ երեխաների համար

Պատրիկ Գարկովսկին, որը հայտնի է որպես  Łatwogang,, ինը օր տևող սթրիմի ընթացքում քաղցկեղով հիվանդ երեխաների համար հավաքել է ավելի քան 50 միլիոն դոլար։

Պատրիկ Գարկովսկին, ով հանրությանը հայտնի է Ուատվոգանգ անվամբ, արդեն ինը օր է, ինչ վարում է իր սթրիմը։ Նախաձեռնությունը կարճ ժամանակում վերաճել է համազգային դրամահավաքի արշավի՝ ի հայտ բերելով լեհերի համերաշխության արտակարգ մակարդակը։

Միջոցառմանը միացել են հայտնի մարզիկներ, շոու-բիզնեսի անդամներ և ռեփերներ, որոնց թվում է նաև անվանի ֆուտբոլիստ Ռոբերտ Լևանդովսկին։ Այս նախաձեռնությունը պաշտոնական տվյալներով համարվում է Յութուբի պատմության ամենախոշոր բարեգործական իրադարձություններից մեկը։