Կասկածյալի թիրшխը՝ հենց Թրամփն է եղել․ ԱՄՆ գլխավոր դատախազ

ԱՄՆ գլխավոր դատախազի պաշտոնակատար Թոդ Բլանշը  նշել է, որ կասկածյալը մտադրություն է ունեցել հարձակվել վարչակազմի աշխատակիցների և, հավանաբար, հենց նախագահի վրա։ Այս մասի նա ասել է «Էն-Բի-Սի Նյուզ»-ին տված հարցազրույցում։

Ըստ պաշտոնակատարի՝ կասկածյալը Լոս Անջելեսից գնացքով մեկնել է Չիկագո, այնուհետև ժամանել Վաշինգտոն։

Երկուշաբթի օրը դաշնային դատարանում տղամարդուն մեղադրանք կառաջադրվի դաշնային սպայի վրա հարձակվելու և սպանության նպատակով հրազեն գործադրելու համար։ Բլանշի տեղեկացմամբ՝  ձերբակալվածը չի համագործակցել քննչական մարմինների հետ։

Ավելի վաղ հայտնել էինք, որ  Վաշինգտոնի Հիլթոն հյուրանոցի անցակետում տղամարդը որսորդական հրացանից կրակ է բացել Գաղտնի ծառայության գործակալի ուղղությամբ։ Կրակոցներից հետո անվտանգության աշխատակիցները նախագահ Դոնալդ Թրամփին և առաջին տիկին Մելանյա Թրամփին անմիջապես դուրս են բերել Սպիտակ տան թղթակիցների ասոցիացիայի ընթրիքից։ Հարձակվողը բռնվել և ձերբակալվել է։