ՏԵՍԱՆՅՈՒԹ. Ջահերով երթը մեկնարկեց. այրվեց Թուրքիայի դրոշը

Հանրապետության հրապարակից մեկնարկեց Հայոց ցեղասպանության 111-րդ տարելիցին նվիրված, ՀՅԴ-ի նախաձեռնությամբ իրականացվող ավանդական Ջահերով երթը: 

Այս տարի երթն անցկացվում է «Պայքարը շարունակվում է» կարգախոսի ներքո:

«Թվում է թե տարեթվերը մեզ հեռացնում են մարդկության դեմ իրագործված այդ զազրելի հանցագործության հետևանքներից, սակայն մեր պատմության վերջին զարգացումները՝ Արցախի բռնգրավումը և հայաթափումը ավելորդ անգամ ևս փաստում են, որ Հայոց ցեղասպանությունը ոչ թե ժամանակի և տարածության մեջ իրականացված և ավարտված ոճիր էր, այլ շարունակական հանցագործություն, որ միտված է բնաջնջելու կամ տեղահանելու հայությանն իր հայրենիքից»,- ասված է ՀՅԴ Հայ դատի կենտրոնական խորհուրդի ուղերձում:

 
 «Հայոց ցեղասպանությունից 111 տարի անց կանգնած ենք հայկական պետության մայրաքաղաքում՝ մեր հիշողությանը տեր կանգնելու, Ցեղասպանության զոհերի հիշատակը հարգելու, այլևս երբեք նոր ցեղասպանություն և հայրենազրկում թույլ չտալու համար»,- իր ելույթում ասաց Իշխան Սաղաթելյանը:

 
 Երթի մեկնարկից առաջ դաշնակցականները վառեցին Թուրքիայի դրոշը: