Իրավիճակը սրվում է․ Իրանի կտրուկ արձագանքը՝ Թրամփի սպառնալիքներին

Իրանը դադարեցրել է բոլոր դիվանագիտական շփումներն ու անուղղակի բանակցությունները՝ կապված ԱՄՆ նախագահ Դոնալդ Թրամփի վերջին հայտարարությունների հետ։ Այս մասին հաղորդում է իրանական պետական հեռուստատեսությունը՝ հղում անելով պաշտոնական աղբյուրներին։

Տեղեկությունների համաձայն՝ որոշումը վերաբերում է ինչպես ուղիղ, այնպես էլ միջնորդավորված հաղորդակցման բոլոր ձևաչափերին։ 

Իրանական կողմը առայժմ մանրամասներ չի ներկայացրել այն մասին, թե որքան ժամանակով են դադարեցվում շփումները կամ ինչ պայմաններով կարող են դրանք վերականգնվել։ Միաժամանակ ընդգծվում է, որ իրավիճակի զարգացումը կախված է հետագա քաղաքական հայտարարություններից և գործողություններից։

Հիշեցնենք՝ ԱՄՆ նախագահ Դոնալդ Թրամփը նոր սպառալիքներ է հնչեցրել հայտարարելով՝ «Մի ամբողջ քաղաքակրթություն այսօր գիշեր կմահանա, Աստված օրհնի Իրանի մեծ ժողովրդին»։