Իրանից տարհանված ռուսները մեկնել են Հայաստանից

Հայաստանում Ռուսաստանի դեսպանատունը տեղեկացրել է, որ Իրանի Բուշերի ատոմակայանից տարհանված 175 Ռուսաստանի քաղաքացիներ հատուկ չվերթով Երևանից մեկնել են Մոսկվա։

Դեսպանատան մամուլի ծառայության հաղորդմամբ՝ Իրանից Հայաստան ժամանած այդ քաղաքացիները երկուշաբթի օրը մեկնել են Երևանից Մոսկվա։ 

«Ապրիլի 6-ին, ևս 175 Ռուսաստանի քաղաքացիներ, որոնք Իրանից ժամանել էին Հայաստան՝ Նուրդուզ/Ագարակ սահմանային անցակետով, հատուկ չվերթով մեկնել են Երևանից Մոսկվա», - նշված է հայտարարությունում։

Նշվում է, որ ռուս դիվանագետների և հայ ներկայացուցիչների համակարգված աշխատանքի շնորհիվ, Իրանի դեմ ԱՄՆ-Իսրայելի ագրեսիայի սկզբից ի վեր, ընդհանուր առմամբ 509 Ռուսաստանի քաղաքացի Հայաստանի միջոցով վերադարձել է հայրենիք։ «Մենք մեր խորին երախտագիտությունն ենք հայտնում Հայաստանի Հանրապետության իշխանություններին՝ նրանց բարի վերաբերմունքի և «Ռոսատոմ» պետական կորպորացիայի աշխատակիցների արագ մուտքի համար», - նշել է դեսպանատունը։