Գործողությունները շարունակվում են՝ ավելի բարձր ճշգրտությամբ․ Նեթանյահու

Իսրայելի վարչապետ Բինյամին Նեթանյահուն հաստատել է, որ Իրանի տարածքում իրականացվել են հարվածներ՝ ուղղված կամուրջներին և երկաթուղային ենթակառուցվածքին։ Նրա խոսքով՝ գործողությունները շարունակվում են՝ ավելի բարձր ճշգրտությամբ։ 

Նեթանյահուն նշել է, որ նշված ենթակառուցվածքներն օգտագործվում են Իրանի Իսլամական հեղափոխության պահապանների կորպուսի կողմից։ 

Ըստ նրա՝ դրանք ծառայում են զենքի արտադրության համար անհրաժեշտ հումքի տեղափոխման, ինչպես նաև այն անձանց տեղաշարժի նպատակներին, որոնք ներգրավված են հարձակումներում Իսրայելի, ԱՄՆ-ի և տարածաշրջանի այլ երկրների դեմ։

Միևնույն ժամանակ, Իսրայելի պաշտպանության բանակը հայտարարել է, որ իրականացված հարվածների շրջանակում թիրախավորվել է ութ կամուրջ։