Անդրանիկ Քոչարյանը ներողություն է խնդրել
«Ապրիլի 6-ին ԱԺ-ում ճեպազրույցի ժամանակ ՀՀ զինված ուժերում ավագ որդուս կողմից ծառայություն չանցնելու մասին լրագրողի հարցին իմ պատասխանով նպատակ ունեի ընդգծել, թե Հայաստանի Հանրապետության օրենսդրությամբ որքան են արժեվորվում կրթությունը և գիտական գործունեությամբ զբաղվելը, որ անձանց, ովքեր ունեն պետությանն իրենց գիտական ներուժով ծառայելու պատրաստակամություն, տրված է նման հնարավորություն»,- իր ֆեյսբուքյան էջում գրել է ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը:
«Իմ երկու որդիներից ավագն անցել է անհրաժեշտ կրթական բոլոր աստիճանները և զբաղվում է գիտությամբ, իսկ կրտսեր որդիս ծառայել է ՀՀ զինված ուժերում և մասնակցել 44-oրյա պատերազմին։
Ցավում եմ, որ պատասխանս տարակարծությունների և շահարկումների տեղիք է տվել, ինչի համար ներողություն եմ խնդրում»,- գրել է Քոչարյանը։
Հիշեցնենք` երեկ լրագրողների հետ ճեպազրույցի ժամանակ Անդրանիկ Քոչարյանը, ի պատասխան հարցին, թե ինչու նրա որդին չի ծառայել, պատասխանել էր. «Իմ տղան շատ բարձրակարգ տղա է, դու նրա գիտելիքների չափ որ ունենաս, դու էլ չես ծառայի»:
Նմանատիպ հոդվածներ
Ավելին Քաղաքականություն բաժնից
Խամենեիի առողջության մասին նոր տվյալներ են հրապարակվել
ՏԵՍԱՆՅՈՒԹ․ Քննարկվում է «ուժեղ քյաբաբ Ստյոպի մոտ» կուսակցության հարցը․ Վահագն Ալեքսանյան
ՏԵՍԱՆՅՈՒԹ. Ընտրություններից 2 ամիս առաջ արգելում եք. լո՞ւրջ եք ասում. Հայկ Մամիջանյան
