ԱՄՆ ռազմական ղեկավարության ինքնաթիռն ուղևորվեց Իսրայել

ԱՄՆ բանակի առաջնահերթ օդային փոխադրումների ծառայությանը պատկանող Beech C-12V Huron ինքնաթիռն ուղևորվել դեպի Իսրայել։ Այդ մասին փոխանցում է «Ռիա Նովոստի»-ն։

 Հրապարակված տեղեկության համաձայն՝ խոսքը ԱՄՆ բանակի այն ծառայության մասին է, որը կազմակերպում է առաջնահերթ ավիափոխադրումներ տարբեր ուղղություններով։

Ըստ նույն աղբյուրի՝ նշված ստորաբաժանումը սպասարկում է ԱՄՆ բարձրաստիճան ռազմական ղեկավարության փոխադրումները։ Այդ թվում՝ իրականացվում են պաշտպանական գերատեսչության ղեկավար կազմի, Կոնգրեսի պատվիրակությունների և մարտական ստորաբաժանումների հրամանատարների տեղափոխումներն աշխարհի տարբեր հատվածներ։

Առայժմ չի նշվում, թե կոնկրետ ինչ նպատակով է տվյալ ինքնաթիռը շարժվել դեպի Իսրայել։ Հաղորդագրությունում ներկայացված է միայն թռիչքի երթուղին և օդանավի ծառայողական պատկանելությունը՝ հղում անելով բաց հասանելի թռիչքային տվյալներին։