Զելենսկին հենց այսօր պետք է որոշում կայացնի. Պեսկով

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ուկրաինայի նախագահ Վլադիմիր Զելենսկին պետք է հնարավորինս շուտ որոշում ընդունի Դոնբասից Ուկրաինայի զինված ուժերի դուրսբերման վերաբերյալ։

«Զելենսկին հենց այսօր պետք է որոշում կայացնի»,- ասել է Պեսկովը:

Նրա խոսքով՝ նման քայլը կարող է նպաստել մարդկային կորուստների նվազեցմանը և դադարեցնել պատերազմի ակտիվ փուլը։

Պեսկովը նաև նշել է, որ Ուկրաինայի շուրջ եռակողմ բանակցություններում առաջացած դադարն ունի արտաքին պատճառներ։ Նրա պնդմամբ՝ Միացյալ Նահանգները ներկայում կենտրոնացած է Մերձավոր Արևելքի խնդիրների վրա, ինչն ազդում է բանակցային գործընթացի ընթացքի վրա։