Դավիթի վիճակը մտահոգիչ է, տարել են ՁՊՎ. փաստաբան

Նիկոլ Փաշինյանի հետ միջադեպի մասնակից դպրոցական երկվորյակ եղբայրներից Դավիթ Մինասյանի կալանքի մասին որոշումը կհրապարակվի այսօր ժամը 12:00-ին։ Այս պահին Դավիթին տարել են ՁՊՎ (Ձերբակալվածներին պահելու վայր): Այս մասին  լրագրողներին հայտնել է նրա փաստաբան Վարդուհի Էլբակյանը։

«Որևէ փաստական տվյալ, որով կարող էին դատարանին համոզել, որ Դավիթը կատարել է ենթադրյալ հանցանքը, չի ներկայացվել: Երևի թե կգնանք ու նրան կտեսնենք ՁՊՎ-ում, աչքերում արյուն կար, մտահոգիչ է», – ասել է նա ու հավելել, որ Դավիթը չի էլ կողմնորոշվում, թե այս պահին իր հետ ինչ է կատարվում։