Սամվել Կարապետյանը Եվրոպայում իզգոյական վիճակում է. Վահագն Ալեքսանյան

«Սամվել Կարապետյանը էդ ո՞ր Եվրոպայի հետ լավ գործընկերներ ունի, Բրիտանիայի՞, որտեղ իր բիզնեսները սանկցիայի տակ են,  Ֆրանսիայի՞, որտեղ, կարծեմ, իր նկատմամբ կամ իր հետ փոխկապակցված  ընկերությունների նկատմամբ կա մեղադրանք փողերի լվացման գործով»,- լրագրողների հետ ճեպազրույցի ժամանակ ասաց ԱԺ պատգամավոր Վահագն Ալեքսանյանը:


«Էդ մարդը Եվրոպայում իզգոյական վիճակում է, սանկցիաների տակ գտնվող խոցելի մարդ է: Գուցե սա էլ իրենց հերթական հեքիաթն է՝ արտաքին հարաբերությունների մասին»,- ասաց Ալեքսանյանը:


Հիշեցնենք՝ «Ուժեղ Հայաստան» կուսակցության համակարգող Նարեկ Կարապետյանը հանդիպումներից մեկի ժամանակ ասել էր. «Ադրբեջանի առաջնորդը, լինելով իր հոր տղեն, մեծ կապեր ունի, մեր առաջնորդն ի ՞նչ կապեր ունի, ո ՞նց կարա պայմանավորվի էդ գելերի մեջ: Իսկ Սամվել Կարապետյանը մեծ կապեր ունի, մեզ պետք է այդպիսի առաջնորդ»: