Ադրբեջանը սպասում է Թեհրանը խոստումներին․ Բայրամով

Ադրբեջանը սպասում է, որ Թեհրանը կկատարի տված խոստումները, կհետաքննի Նախիջևանին անօդաչու թռչող սարքի հարվածի միջադեպը համապարփակ կերպով և միջոցներ կձեռնարկի՝ կանխելու նման իրավիճակների կրկնությունը։ Այդ մասին Էր Ռիադում արտգործնախարարների խորհրդակցական հանդիպման ընթացքում հայտարարել է Ադրբեջանի արտգործնախարար Ջեյհուն Բայրամովը։

«Ադրբեջանը սպասում է, որ իրանական կողմից տրամադրված երաշխիքները՝ միջադեպի համապարփակ հետաքննություն անցկացնելու վերաբերյալ, կկատարվեն, և անհրաժեշտ միջոցներ կձեռնարկվեն՝ ապագայում նման դեպքերը կանխելու համար»,- ասել է Բայրամովը։

Նախարարը նաև նշել է, որ անհրաժեշտ է հրատապ արձագանքել Մերձավոր Արևելքում առկա լուրջ ճգնաժամին։ Նրա խոսքով՝ էսկալացիայի հետևանքները գերազանցում են առանձին երկրների սահմանները՝ ձևավորելով ավելի լայն տարածաշրջանային և գլոբալ ռիսկեր և վտանգելով քաղաքացիական բնակչության կյանքն ու ենթակառուցվածքները։

Հիշեցնենք, որ մարտի 5-ին Իրանի տարածքից թռչող անօդաչու սարքերը հարվածներ էին հասցրել Նախիջևանի ենթակառուցվածքներին, ինչի հետևանքով տուժել էր չորս խաղաղ բնակիչ։