Կասեցվել է «Գրիլ․ամ» ՍՊԸ-ին պատկանող հանրային սննդի օբյեկտի արտադրական գործունեությունը

Սննդամթերքի անվտանգության տեսչական մարմնից հայտնում են, որ տեսչական մարմնի սննդամթերքի անվտանգության վարչության տեսուչների իրականացրած ստուգման ընթացքում արձանագրվել է, որ տվյալ օբյեկտում խախտվել են օրենսդրությամբ սահմանված սանիտարահիգիենիկ պահանջները։

Մասնավորապես՝

. սննդի կառույցի խոհանոցի հատակը չի ունեցել հարթ մակերես և եղել է ոչ նորոգ վիճակում, ինչի հետևանքով հնարավոր չի եղել այն հեշտությամբ մաքրել և ախտահանել,

. խոհանոցի պատերի մակերեսը նույնպես հարթ չի եղել և պատրաստված չի եղել անջրանցիկ, չներծծող նյութերից։

Տնտեսավարող սուբյեկտին հանձնարարել են ձեռնարկել անհրաժեշտ քայլեր և սննդի կառույցը համապատասխանեցնել սահմանված նորմերին։ Հայտնաբերված խախտումների վերացման համար սահմանվել է ժամկետ։