Ադրբեջանի զինվորական ստորաբաժանումները տեղակայվել են մարտական դիրքերում․ ՊՆ

Ադրբեջանի պաշտպանության նախարարությունը ներկայացրել է գործողությունների կարգը մոբիլիզացիա №1 հայտարարելու դեպքում։ Գերատեսչության հաղորդմամբ՝ նման որոշման դեպքում երկրի զինված ուժերը բերվում են լիարժեք մարտական պատրաստականության վիճակի։

Նախարարությունում նշել են, որ այդ գործընթացին զուգահեռ սկսվում է պահեստազորում գտնվող զինծառայողների զորակոչը։ Սա նախատեսված է զինված ուժերի համալրման և անհրաժեշտ մարդկային ռեսուրսների արագ ներգրավման համար։

Մոբիլիզացիոն միջոցառումների շրջանակում զորամասերը դուրս են բերվում իրենց մշտական տեղակայման վայրերից և տեղափոխվում մարտական դիրքեր կամ նախապես սահմանված նշանակման շրջաններ։

Պաշտպանության նախարարությունում ընդգծել են, որ նման քայլերի նպատակն է ապահովել բանակի օպերատիվ պատրաստվածությունը և հնարավոր սպառնալիքներին արագ արձագանքելու կարողությունը։