Ռուսաստանի դեմ ուղղված որևէ բան չկա․ Փաշինյան

Ռուսաստանի մեր գործընկերների հետ աշխատանքային մակարդակում քննարկումներ կան, լրագրողների հետ զրույցում ասել է վարչապետ Նիկոլ Փաշինյանը՝ արձագանքելով հարցին, թե ռուսական կողմի հետ արդյո՞ք քննարկել են երկաթուղու կոնցեսիոն կառավարումն այլ երկրի փոխանցելու հարցը։

«Մենք հարցի վերաբերյալ որոշակի ըմբռնում ենք տեսնում, ինչի համար շնորհակալ ենք։ Մեր ասածի մեջ որևէ բան, որն ուղղված է Ռուսաստանի դեմ, չկա։ Մենք ուղղակի մեր գործընկերների հետ կիսում ենք օբյեկտիվ իրավիճակը՝ ասելով, որ այս իրավիճակում Հայաստանն իր մրցակցային առավելությունները կորցնում է։ Ուրիշ որևէ մոտիվացիա չունենք։ Հույս ունեմ, որ կկարողանանք հասնել կոնկրետ լուծումների»,- ասել է Նիկոլ Փաշինյանը։