Լուրերը մեկ տողով. Նախիջևանում օդային տարածքի փակում, Ադրբեջան–Իրան լարվածություն, Մերձավոր Արևելքում հարվածների

•  Ադրբեջանի իշխանությունները հայտարարել են, որ Նախիջևանի ուղղությամբ անօդաչու թռչող սարքերի հարվածից հետո փակվել է օդային տարածքը

•  Ադրբեջանում զինված ուժերը բերվել են բարձր մարտական պատրաստության։ Բաքուն միջադեպի համար պատասխանատվություն է վերագրում Իրանին և հայտարարել է դիվանագիտական քայլերի մասին, մինչդեռ Թեհրանը հերքում է մեղադրանքները և դրանք կապում այլ ուժերի գործողությունների հետ։

•  Նախիջևանում տեղի ունեցած անօդաչուի հարվածների փաստով Ադրբեջանի գլխավոր դատախազությունը քրեական գործ է հարուցել։ Միջադեպի հետևանքով վնասվել է օդանավակայանի շենքը, տուժել են քաղաքացիական ենթակառուցվածքներ և կան վիրավորներ։

•  Մերձավոր Արևելքում շարունակվում է լարվածությունը․ Իրանը հայտարարել է Իսրայելի ուղղությամբ հրթիռային հարվածների մասին:

•  Իսրայելը հայտնել է Իրանում ռազմական և հրամանատարական օբյեկտների վրա իրականացված հարվածների մասին։ 

•  Իրաքյան Քրդստանը նույնպես հայտարարել է, որ չի մասնակցում տարածաշրջանային հակամարտությանը։

•  Հայաստանի ԱԳՆ-ն կոչ է արել ԱՄԷ-ում մնացած ՀՀ քաղաքացիներին գրանցել իրենց տվյալները նախարարության կայքում՝ թռիչքների չեղարկման հետևանքով առաջացած խնդիրները կարգավորելու նպատակով։

•  Ռուսաստան և Ուկրաինա իրականացրել են ռազմագերիների հերթական փոխանակում՝ վերադարձնելով երկու կողմերից 200-ական զինծառայող։

•  Հայաստանի վարչապետի որոշմամբ պետական գույքի կառավարման կոմիտեի նախագահը ազատվել է պաշտոնից և նշանակվել է ՏԿԵ նախարարի տեղակալ։