Որ այս տեպով գնանք՝ հասնելու եք 3-րդ դասարանում իմ գրած ոտանավորներին․Փաշինյանը՝ ընդդիմադիր պատգամավորին

Վարչապետ Նիկոլ Փաշինյանն Ազգային ժողովում հայտարարել է՝ եթե աշխարհի ու միջազգային հարաբերությունների վերաբերյալ պատկերացումները մնային այնպիսին, ինչպիսի էին 2028, 2019 կամ 2020 թվականներին, ապա Հայաստանն այսօր չէր կարող լինել։

«Որ այս տեպով գնանք՝ հասնելու եք 3-րդ դասարանում իմ գրած ոտանավորներին, գալու եք ու ասեք՝ «բա դու, 3-րդ դասարանում..., էն ժամանա՞կ էիր դու ստում, թե՞ հիմա»»,- ասել է Փաշինյանն՝ ի պատասխան «Հայաստան» խմբակցության պատգաավոր Քրիստինե Վարդանյանի միացրած ձայնագրության, որում Նիկոլ Փաշինյանի խոսքերն էին։

Ըստ Փաշինյանի՝  փոփոխվող աշխարհում նա, ով չի փոխվում, արժանանում է «դինոզավրի ճակատագրին»։

«Այո՛, ես չեմ բացառում, որ վեց ժամվա ընթացքում կարող է իրադրությունը այնպես փոխվել, որ շատ գնահատականներ վերափոխես, ու այն երկրները, որոնք այդպիսին չեն, հայտնվում են բաստուրմայի կարգավիճակում, որոնց մանր-մանր կտրտրում են»,- հայտարարել է վարչապետը։

Մանրամասները՝ տեսանյութում։