Բուք, ցածր հորիզոնական տեսանելիություն. եղանակը Հայաստանում

Հանրապետության տարածքում փետրվարի 27-ին և 28-ին շրջանների մեծ մասում, մարտի 1-ին առանձին շրջաններում սպասվում են տեղումներ, լեռնային շրջաններում՝ բուք, ցածր հորիզոնական տեսանելիություն։

Փետրվարի 27-ին և 28-ին ամբողջ հանրապետությունում տեղումները կլինեն ձյան, առանձին հովտային շրջաններում՝ ձնախառն անձրևի տեսքով: Փետրվարի 27-ին առանձին վայրերում տեղումները կլինեն առատ։ Մարտի 2-ին և 3-ին սպասվում է առանց տեղումների եղանակ։

Քամին հարավարևմտյան է՝ 4-8 մ/վ։ Օդի ջերմաստիճանն աստիճանաբար կնվազի 8-12 աստիճանով:

Երևանում փետրվարի 27-ին և 28-ին, մարտի 1-ի գիշերը ժամանակ առ ժամանակ սպասվում են տեղումներ․ գիշերը՝ ձյան, ցերեկը՝ ձնախառն անձրևի տեսքով։ Մարտի 1-ի ցերեկը, 2-3-ն սպասվում է առանց տեղումների եղանակ։