Նրանք, ովքեր կփորձեն մեր հաշվին «աչոկ» հավաքել, ճշմարտությունը կլսեն. Սերժ Սարգսյան

ՀՀԿ-ն դեռևս վերջնական որոշում չի կայացրել ընտրություններին մասնակցելու հարցում։ Այս մասին այսօր, դատական նիստից հետո լրագրողների հետ զրույցում, հայտնել է Հայաստանի երրորդ նախագահ Սերժ Սարգսյանը։

«Դեռ որոշում չունենք, և դա զարմանալի չէ։ Առաջին հայացքից հարցը պարզ է՝ կամ մասնակցում ենք, կամ ոչ։ Սակայն երբ խորանում ենք բովանդակության մեջ, առաջանում է երկընտրանք՝ պայքարե՞լ մի քանի մանդատի համար, թե՞ ստեղծել առավել բարենպաստ պայմաններ՝ նվազագույնի հասցնելով մեր ընդդիմադիր պայքարը և դրանով հնարավորություն տալով այն ուժերին, որոնք հավակնում են հաղթել։ Նրանք, ովքեր կփորձեն մեր հաշվին «աչոկ» հավաքել, ճշմարտությունը կլսեն։ Մենք որևէ կոմպլեքս չունենք։ Յուրաքանչյուր զրպարտություն պատասխան է ստանալու՝ ճշմարտության տեսքով»,-նշել է Սարգսյանը։

Անդրադառնալով իմպիչմենտի գործընթացին՝ երրորդ նախագահը հավելել է, որ մինչև հաջորդ դատական նիստը հանրությունը այդ հարցի վերաբերյալ նոր տեղեկություններ կստանա։