Մենք բաց ենք Եվրոպական Միության ընդլայնման համար. Դոնալդ Տուսկը` Նիկոլ Փաշինյանին

Լեհաստանի վարչապետ Դոնալդ Տուսկը վարչապետ Նիկոլ Փաշինյանի հետ համաձայնագիր ստորագրելուց հետո ընդգծել է, որ հայ-լեհական հարաբերությունները հիմնված են անկեղծ ընկերության վրա։ Նրա խոսքով՝ այդ ընկերությունը որևէ նախապայման չունի և վերաբերում է ինչպես երկու երկրների համագործակցությանը, այնպես էլ իրենց անձնական հարաբերություններին։

«Լեհաստանում բարձր ենք գնահատում հայ ժողովրդին։ Կցանկանայի հատկապես նշել քո՝ Նիկոլ, կատարած աշխատանքը։ Գիտեմ, թե որքան ջանք է ներդրվել այս քաղաքական իրականությունը ձևավորելու ճանապարհին»,-հայտարարել է Լեհաստանի վարչապետը։

«Մենք բաց ենք Եվրոպական Միության ընդլայնման համար այն երկրների համար, որոնք ընտրում են ժողովրդավարությունը, անկախությունը և խաղաղությունը։

Ես վստահ եմ, որ ձեր քաղաքականությունը շարժվում է հենց այս ուղղությամբ»,- հավելել է Դոնալդ Տուսկը