Բիլ Գեյթսը ներողություն է խնդրել Էփշթեյնի հետ ունեցած կապերի համար
Բիլ Գեյթսը ներողություն է խնդրել հանգուցյալ ֆինանսիստ և դատապարտված սեռական հանցագործ Ջեֆրի Էփշթեյնի հետ ունեցած կապերի համար՝ ելույթ ունենալով իր հիմնադրամի աշխատակիցների առջև, հայտնում է Reuters-ը։
ԱՄՆ արդարադատության նախարարության հրապարակած փաստաթղթերի համաձայն՝ Գեյթսն ու Էփշթեյնը բազմիցս հանդիպել են վերջինիս բանտարկությունից հետո՝ քննարկելու Microsoft-ի համահիմնադրի բարեգործական ծրագրերի ընդլայնման հնարավորությունները։
Գեյթսը նշել է, որ մեծ սխալ էր ժամանակ անցկացնել Էփշթեյնի հետ և հիմնադրամի ղեկավարներին ներգրավել նրա հետ հանդիպումներում։
«Ես ներողություն եմ խնդրում բոլոր այն մարդկանցից, ովքեր ներգրավվել են այս պատմության մեջ իմ թույլ տված սխալի պատճառով»,- ասել է նա։
Գեյթսը նաև խոստովանել է, որ ունեցել է երկու սիրավեպ ռուս կանանց հետ, որոնց մասին հետագայում տեղեկացել է Էփշթեյնը, սակայն ընդգծել է, որ դրանք որևէ առնչություն չեն ունեցել Էփշթեյնի զոհերի հետ։
«Ես անօրինական ոչինչ չեմ արել և անօրինական որևէ բան չեմ տեսել»,- հավելել է նա։
