1 զոհ, ծայրահեղ ծանր վիրավորներ․ նոր մանրամասներ՝ Աջափնյակում տեղի ունեցած կրակոցներից
Այսօր Աջափնյակ թաղամասում տեղի ունեցած դեպքի հետևանքով նախնական տվյալներով հիվանդանոց է տեղափոխվել 7 քաղաքացի: Այս մասին հայտարարություն է տարածել Առողջապահության նախարարությունը։
«Երեքի առողջական վիճակը գնատվում է ծայրահեղ ծանր, երեքինը` ծանր: 1 քաղաքացի մահացել է: Առողջական վիճակի մասին կտրամադրվի լրացուցիչ տեղեկատվություն»,- ասվում է գերատեսչության կողմից տարածած հաղորդագրության մեջ։
Հիշեցնենք՝ ավելի վաղ հայտնել էինք, Auroranews.am-ը կապ էր հաստատել Ներքին գործերի նախարարության հետ, մեզ հայտնել էին․ որ «ՆԳՆ ոստիկանության ծառայողները ձեռնարկում են անհետաձգելի օպերատիվ-հետախուզական միջոցառումներ դեպքի բոլոր հանգամանքները պարզելու ուղղությամբ։ Կտրվի լրացուցիչ տեղեկատվություն»։
