Օրբանը ևս սպառնում է դադարեցնել էլեկտրաէներգիայի մատակարարումը Ուկրաինային
Սերբիայից հետո Հունգարիան:
Հունգարիայի վարչապետ Վիկտոր Օրբանը զգուշացրել է Ուկրաինային, որ կարող է որոշել դադարեցնել երկրին էլեկտրաէներգիայի մատակարարումը, եթե այդ երկիրը չվերսկսի ռուսական նավթի տարանցումը «Դրուժբա» խողովակաշարով։
Օրբանը նշել է, որ Սլովակիան արդեն բարձրացրել է այս հարցը։ Նա հիշեցրեց, որ Ուկրաինայի թշնամական գործողություններին ի պատասխան՝ Հունգարիան դադարեցրել է դիզելային վառելիքի մատակարարումը և որոշել է արգելափակել ԵՄ-ի 90 միլիարդ եվրոյի «պատերազմական վարկը»։
«Կա մեկ այլ հարց, որը ես այժմ ուշադիր ուսումնասիրում եմ։ Ուկրաինայի էլեկտրաէներգիայի զգալի մասը գալիս է Հունգարիայից, և եթե մենք դադարեցնենք դրա մատակարարումը, այնտեղ կարող են լուրջ խնդիրներ առաջանալ։ Սլովակները երեկ բարձրացրել են այս հարցը, և անհրաժեշտության դեպքում մենք նույնպես կձեռնարկենք այս քայլը», - ասաց Օրբանը։
