Զելենսկին հանդես է եկել մի շարք հայտարարություններով
Ուկրաինայի նախագահ Վլադիմիր Զելենսկին հայտարարել է, որ Ռուսաստանի նպատակը Ուկրաինայի տարածքում ընտրությունների անցկացումն է՝ իրեն պաշտոնից հեռացնելու համար։ Նրա խոսքով՝ հրադադարի դեպքում, որը կտևի շուրջ երկու ամիս, ինքը կբարձրացնի ընտրությունների հարցը, սակայն այժմ, պատերազմի պայմաններում, հասարակությունը չի աջակցում դրանց անցկացմանը։
Զելենսկին նշել է, որ իր համար առաջնայինը պատերազմի հնարավորինս արագ ավարտն է։ Նա նաև ասել է, որ չի դիտարկում Ռուսաստանի նախագահ Վլադիմիր Պուտինին սպանելու գաղափարը՝ ընդգծելով, որ դա չի հանգեցնի պատերազմի դադարեցմանը։ Միաժամանակ նախագահը հավելել է, որ իր բացակայությունը չի կոտրի Ուկրաինային։
Անդրադառնալով տարածքային զիջումների թեմային՝ Զելենսկին հայտարարել է, որ երկրում ոչ ոք չի աջակցի տարածքների հանձմանը, քանի որ հազարավոր ուկրաինացիներ զոհվել են այդ հողերը պաշտպանելիս։ Նա նաև խոստովանել է, որ, ինչպես յուրաքանչյուր ղեկավար, կարող է սխալներ թույլ տալ՝ ընդգծելով, որ կոռուպցիայի մասին քննարկումները վկայում են դրա դեմ պայքարի շարունակման մասին։
Զելենսկին քննադատել է նաև Պուտինի պատմական մեկնաբանությունները՝ նշելով, որ դրանք իրեն հետաքրքիր չեն։
