Վրաստանի ԱԳ նախարարը մեկնաբանել է Հայաստան-Ադրբեջան ճանապարհները
Վրաստանի արտաքին գործերի նախարարը անդրադարձել է Ադրբեջանի և Հայաստանի միջև նոր ճանապարհների կառուցման վերաբերյալ քննարկումներին՝ նշելով, որ այդ նախաձեռնությունները կարող են դրական ազդեցություն ունենալ տարածաշրջանի կապակցվածության վրա։ Նրա խոսքով՝ այս գործընթացը նպաստում է տարածաշրջանային հաղորդակցությունների զարգացմանը։
Նախարարը ընդգծել է, որ Թբիլիսին չի դիտարկում հնարավոր նոր ուղիները որպես մրցակից Վրաստանի տարածքով անցնող ճանապարհներին։ Նա նշել է, որ անկախ նոր ուղղությունների ի հայտ գալուց՝ Վրաստանը շարունակում է պահպանել իր ռազմավարական նշանակությունը համաշխարհային աշխարհաքաղաքական քարտեզում։
Միաժամանակ ԱԳ նախարարը հայտարարել է, որ որոշ քաղաքական գործիչներ փորձում են շահարկել հայ-ադրբեջանական հարաբերությունները՝ նվազեցնելու Վրաստանի ռազմավարական դերը տարածաշրջանում։
Նրա գնահատմամբ՝ տարածաշրջանային համագործակցությունը պետք է դիտարկվի փոխլրացնող, այլ ոչ թե մրցակցային տրամաբանությամբ։
