Թրամփի վարչակազմը նախատեսում է Գազայում ռազմական բազա կառուցել․ The Guardian

ԱՄՆ նախագահ Դոնալդ Թրամփի վարչակազմը նախատեսում է Գազայի հատվածում կառուցել ռազմական բազա։ Այս մասին հաղորդում է The Guardian պարբերականը՝ հղում անելով իր աղբյուրներին։

Ըստ հրապարակման՝ նախատեսվող բազայի տարածքը միջազգային ուժերի շուրջ 5 հազար զինծառայողի տեղակայման համար կլինի։ Նախագծով նախատեսվում է ստեղծել ենթակառուցվածքներ, որոնք կապահովեն անձնակազմի մշտական ներկայությունն ու գործունեությունը։

Նշվում է, որ տարածքը կշրջապատվի 26 դիտաշտարակներով, ինչպես նաև կներառի բունկերներ։ Պարբերականը չի մանրամասնում ծրագրի իրականացման ժամկետները կամ դրա շուրջ պաշտոնական հաստատումը։