Ռուսաստանը, հավանաբար, 2026 թվականին Հայաստանում լայնածավալ արշավ կսկսի․ Էստոնիայի ԱՀԾ

Վաշինգտոնի ներգրավվածությունը Հարավային Կովկասում և Հայաստանի ու Ադրբեջանի հետ համաձայնագրերի կնքումը Մոսկվայի տեսանկյունից կարող են ազդարարել տարածաշրջանից Ռուսաստանի դուրսմղման սկիզբը։ Այդ մասին նշված է Էստոնիայի արտաքին հետախուզության ծառայության 2026 թվականի զեկույցում: Փաստաթղթի համաձայն՝ դա սպառնալիք է Կրեմլի աշխարհաքաղաքական շահերին:

Ըստ զեկույցի՝ ի պատասխան՝ Ռուսաստանը կանի ամեն ինչ՝ վիժեցնելու Հայաստանի և Ադրբեջանի միջև խաղաղության պայմանագրի կնքումը և «նախագահ Դոնալդ Թրամփի անունով տարանցիկ միջանցքի ստեղծումը»:

«Այսպիսով, Ռուսաստանը, հավանաբար, 2026 թվականին Հայաստանի վրա ազդեցության լայնածավալ արշավ կսկսի։ Այն ուղղված կլինի Հայաստանում խորհրդարանի ընտրությանը միջամտելուն, վարչապետ Նիկոլ Փաշինյանին իշխանությունից հեռացնելուն և ազգայնական թվացող, բայց, ըստ էության, Ռուսաստանի վերահսկողության տակ գտնվող կառավարության հաստատմանը»,- ասված է Էստոնիայի արտաքին հետախուզության ծառայության զեկույցում:

Հավելենք՝ այժմ ՀՀ վարչապետ Նիկոլ Փաշինյանն աշխատանքային այցով գտնվում է Վաշինգտոնում։