Մեծ Բրիտանիայում ձերբակալվել է նախկին արքայազն Էնդրյուն
Մեծ Բրիտանիայում ձերբակալվել է նախկին արքայազն Էնդրյու Մաունթբեթեն-Ուինձորը՝ պաշտոնեական դիրքի հնարավոր չարաշահման կասկածանքով։ Այս մասին հայտնել է բրիտանական ոստիկանությունը՝ չնշելով կասկածյալի անունը, ինչպես ընդունված է նման դեպքերում։
Հիշեցնենք՝ Արքայազն Էնդրյուն նախկինում զրկվել էր բոլոր թագավորական տիտղոսներից՝ ԱՄՆ ֆինանսիստ Ջեֆրի Էփշտեյնի հետ ունեցած կապերի պատճառով։ Վերջին շրջանում հրապարակված Էփշտեյնի գործին առնչվող նոր փաստաթղթերը, ըստ լրատվամիջոցների, կրկին ուշադրության կենտրոնում էին պահում նրա անունը։
Հավելենք՝ Թագավոր Չարլզ III-ը հայտարարություն է տարածել՝ նշելով, որ լիովին աջակցում է ընթացող քննությանը և պատրաստ է համագործակցել իրավապահ մարմինների հետ՝ ընդգծելով, որ օրենքը պետք է կիրառվի սահմանված կարգով։
