Գրոսսին կոչ է անում շուտափույթ Իրանի հետ համաձայնագիր կնքել․ նոր ռազմական գործողություններ են սպասվում

ՄԱԳԱՏԷ-ի գլխավոր տնօրեն Ռաֆայել Գրոսսին հանդես է եկել Իրանի միջուկային ծրագրի շուրջ հնարավորինս արագ համաձայնության հասնելու կոչով։ Նա նշել է, որ դա անհրաժեշտ է նոր ռազմական գործողություններից խուսափելու համար։

Գրոսսին նշել է, որ երկու կողմերն էլ պատրաստ են համաձայնության գալ, չնայած տարաձայնությունները պահպանվում են, իսկ ժամանակը սուղ է:

ՄԱԳԱՏԷ-ի գլխավոր տնօրենը նաև նշել է, որ 2025 թվականի հունիսին իրականացված ռմբակոծություններից առաջ Իրանի կողմից կուտակված միջուկային նյութերի զգալի մասը շարունակում է գտնվել տեղում։ Նրա գնահատմամբ՝ չնայած որոշ օբյեկտների վնասմանը, նյութերի հիմնական պաշարները չեն տեղափոխվել։